Aananthame Paramananthame Yesu

ஆனந்தமே பரமானந்தமே – இயேசு

அண்ணலை அண்டினோர்க் கானந்தமே

இந்தப் புவி ஒரு சொந்தம் அல்ல என்று 

இயேசு என் நேசர் மொழிந்தனரே 

இக்கட்டும் துன்பமும் இயேசுவின் தொண்டர்க்கு

இங்கேயே பங்காய் கிடைத்திடினும் — ஆனந்தமே

கர்த்தாவே நீர் எந்தன் காருண்ய கோட்டையே

காரணமின்றி கலங்கேனே நான்

விஸ்வாசப் பேழையில் மேலோகம் வந்திட

மேவியே சுக்கான் பிடித்திடுமே — ஆனந்தமே

என்னுள்ளமே உன்னில் சஞ்சலம் ஏன் வீணாய்?

கண்ணீரின் பள்ளத்தாக்கல்லோ இது!

சீயோன் நகரத்தில் சீக்கிரம் சென்று நாம்

ஜெய கீதம் பாடி மகிழ்ந்திடலாம் — ஆனந்தமே

கூடார வாசிகளாகும் நமக்கிங்கு

வீடென்றும் நாடென்றும் சொல்லலாமோ?

கைவேலையில்லாத வீடொன்றை மேலேதான்

செய்வேன் எனச் சொல்லிப் போகலையோ — ஆனந்தமே

துன்பங்கள் தொல்லை இடுக்கண் இடர் இவை

தொண்டர் எமை அண்டி வந்திடுனும்

சொல்லி முடியாத ஆறுதல் கிருபையை

துன்பத்தினூடே அனுப்பிடுவார் — ஆனந்தமே

இயேசுவே சீக்கிரம் இத்தரை வாருமேன்

ஏழை வெகுவாய்க் கலங்குகிறேனே

என் நேசர் தன் முக ஜோதியதேயல்லாமல்

இன்பம் தரும் பொருள் ஏதுமில்லை — ஆனந்தமே